Formulario pa denunsiá buelonan anulá

Risibi bo pago bek ora anula un buelo

Si un buelo, pa kualkier motibu, wòrdu kanselá pa un kompania aereo i komo tal e buelo en kestion no tuma lugá mas,  mester ofresé e kliente e eskoho pa risibí su plaka bèk òf un bòn (voucher) pa un otro buelo. Esaki mester ta posibel tambe si e kliente a kumpra un pasashi ku ta “non-refundable”. Si pa motibu di restrikshon relashoná ku Covid-19 buelonan no por tuma lugá esaki ta pa risiko di e kompania aereo i no por ta posibel pa buta e risiko aki pa e kliente. Esaki ta mas ku lógiko komo e kliente a paga pa un biahe aereo ku e no a risibí.

EZ Air no ta tene su mes na e obligashon legal aki apesar di diferente petishon di Unkobon. E kompania aki pa mas ku un aña ta nenga redondamente pa debolbé un kliente su plaka pa un pasashi “non-refundable”  ku a keda anulá. Pa kolmo si disidí pa debolbé e plaka di un pasashi “refundable” lo redusí esaki ku un multa.

Probablemente EZ Air ta sali for di e punto di bista ku su klientenan lo no hiba e kaso dilanti un hues pa motibu di e montantenan “chikí”. Unkobon ta haña esaki algu bochornoso. Unkobon no ta ekskluí e posibilidat ku otro kompanianan aereo tambe no ta paga e plaka bèk na klientenan di Boneiru pa buelonan ku a keda anulá pa motibu di Covid-19. Komo tal Unkobon ta bai inisiá ku un akshon den kual ta hasi un yamada na tur esnan perhudiká pa raportá esaki na Unkobon.

Yamada

Si un kompania aereo a anulá bo buelo i si bo no a risibí e eskoho pa haña bo plaka bèk òf un bòn pa un otro buelo òf e kompania aereo ta nenga di debolbé bo plaka, raportá esaki na Unkobon.

Marka e kompania aereo

6 + 8 =