Lucha kontra pobresa

Kaso hudisial relashoná ku soshal minimo

Un soshal minimo realístikamente fihá ta e fundeshi riba kual e maneho pa e lucha kontra pobresa ta konstruí. Tantu Eerste Kamer komo Tweede Kamer a pidi den aña 2016 pa fiha un minimo soshal pa e islanan BES (Boneiru, St.Eustatius i Saba) basá riba e kosto minimal di kosto di bida. Esaki ainda no a tuma lugá. Ku un kaso den korte Unkobon kier forsa esaki.

Kiko ta e kaso?

• Boneiru igual ku Saba i Sint Eustatius ya pa 11 aña ta un munisipio di Hulanda den Karibe.
• Sinembargo 40% di * kasnan na Boneiru ta biba den pobresa. Konforme sifranan di CBS e habitantenan tin un entrada bou di e minimo vital. Pobresa hasta a oumentá.
• Pa habitantenan di Hulanda gobiernu Hulandes a stipulá un minimo soshal (basá riba kostonan di bida nesesario) a base di kual sueldonan minimo i servisionan soshal ta wòrdu determiná di manera ku e hendenan por ta garantisá di un seguridat soshal.
• Pa habitantenan di e islanan BES sinembargo e mesun gobièrnu di Hulanda ta nenga, ya pa 13 aña, pa stipulá un minimo soshal unda e seguridat soshal ta garantisá. E konsekuensia lo ta permanente bou di e gruponan vulnerabel manera e hendenan di edat avansá, e “working poor”, famianan ku hopi yu i personanan inkapaitá pa traha.
• Sueldo minimo na Boneiru ta 1045 dòlar pa luna. Kosto di bida minimal pa un pareha ta dos biaha mas haltu!!
• Ya pa kasi 13 aña gobiernu Hulandes ta nenga pa trata e habitantenan di Boneiru, Saba i Sint Eustatius igual ku esnan na Hulanda riba tereno sosio ekonómiko. Inkreíbel kon un gobiernu di un Hulanda próspero konsientemente ta mantené e trato desigual aki!

Kiko awó?

Unkobon ta fadá di e trato desigual aki. Den e añanan ku a transkurí a trata di tur manera pa konvensé e polítikonan pa hasi lo korekto. Pero e gobièrnu hulandes ta keda tene e poblashon di e islanan BES na liña. Staten Generaal (1ste i 2de kamer) ta permití e gobiènunan di turno kontinuá ku nan maneho di posponementu. E gabinete nobo * tambe ta kontinuá ku e maneho aki i nan tampoko por duna e habitantenan vulnerabel di islanan BES sufisiente garantia pa un seguridat soshal.

Komo último rekurso, fin di 2022, Unkobon a presentá e kaso na korte. Un trayekto largu. Unkobon kier duna estado Hulandes un chèns mas pa remediá e omishon aki promé ku wes dikta un sentensia.

Mester bin un paro den e kos aki. No por sigui asina mas. E pobresa ku pa aña largu a asotá hopi hende mester wòrdu mandá pa historia. Mester bin un paro den e trato desigual, e inhustisia moral, e violashon di konstitushon i derechi di tratádonan. Mester implementá un minimo soshal sólido igual ku esun pa e habitantenan na Hulanda. Tambe e gobièrnu mester garantisá e seguridat soshal di e habitantenan vulnerabel den nos komunidat.

Steun de consumentenbond Bonaire (Unkobon) in haar strijd voor gerechtigheid namens de bevolking van Bonaire!

Ku un proseso hudisial Unkobon kier buta Hulanda na òrdu. Un proseso asina ta hopi kostoso kual Unkobon só no por karga. Nos mester di bo sosten.

Volg de laatste ontwikkelingen