Union di Konsumidó Boneiru (Unkobon) ta e bònt di konsumidó aki na Boneiru.
E organisashon ta sali na interes di e konsumidónan na Boneiru en general pero en partikular di su miembronan. Danki na e aporte boluntario di ekspertonan, Unkobon a kombèrtí den un organisashon influente ku ta komuniká tantu ku diputadonan lokal komo ku dirihentenan di Hulanda. Regularmente ta reuní ku departamentunan di gobiernu lokal, ambtenarnan di ministerionan di Hulanda, direktiva di kompanianan lokal y organisashonnan soshal di Boneiru.

Direktiva di Unkobon ta konsistí di tres miembro: presidente, sekretario y un tesorero. E funshon di presidente lo ta vakante den luna di mart 2021.

Unkobon ta ofresé e siguiente oportunidat
Bo ta un persona ku kier ehersé un influënsia positivo pa duna un aporte na konsumidónan di Boneiru? Unkobon ta dunábo e oportunidat aki.

Profil
E direktor m/f ku nos ta buskando mester ta un dirihente servisial ku interes pa e komunidat boneriano y ku ta dispuesto pa boluntariamente duna su mes na e komunidat aki. E presidente mas bien ta e persona sentral y no doño di e organisashon.
• E kara di Unkobon: Komuniká fasil na papiamentu y hulandes
• E ta un representante ku por buska y mantené kontakto y ku por convensé y influenshá otro
• E ta un persona ku ta duna importansia na koperashon. Stimulando koperashon e ta trese union y entusiasmo pa krea asina espasio pa ambishon di hende
• E ta inspirá y entusiasmá hende inbolbiendo nan den vishon y desishon
• E ta un persona táktiko, operashonal y progresivo

Primi aki pa un profil kompletu di e funshon
Pa mas informashon: secretariaat@unkobon.org. Whatsapp tel: +599 7821009