Gobièrnu di Boneiru resientemente a anunsiá un paro di prèis pa 71 produkto den tur super-i minimerkado aki na Boneiru komo un medida di urgensha. Un ke otro pa evitá ku lo hasi mal uso di e situashon aktual relashoná ku coronavírus.
Relashoná ku e paro di prèis aki UNKOBON i Fundashon Tienda pa Konsumidó, despues di a konsultá ku e ministerio di ekonomia y klima, a disidí pa posponé kontinuashon di e proyekto Komparashon di Prèis tanten ku e medida di urgensha ta na vigor.
Meta di e proyekto Komparashon di Prèis ta, pa konsientisá e konsumidó aki na Boneiru pa loke ta trata prèis di komestibel. E proyekto a terminá desèmber 2019, pero e ministerio (EZK) a pidi UNKOBON pa re-anudá e proyekto entrante luna di mart 2020. Konsekuentemente fin di mart a publiká resultado pa un makutu di e 60 produktonan mas kumprá.
E lista di produkto ku ta apliká pa kompará prèis, pa un gran parti ta igual ku e lista ku gobièrnu ta bai apliká pa e paro di prèis. Funshonarionan di Directie Toezicht en Handhaving aktualmente ta inventarisando prèis di e produktonan konserní kual dentro di poko lo bai wòrdu publiká. Komo tal a disidí pa no kompará prèis den luna di aprel y tanten ku e medida di urgensha ta na vigor.