Tèp 1: Kumpra aparatonan elektróniko di 50 hertz(Hz). Ku un eiskast di 50 Hz bo ta spar, ku e tarifa di koriente entrante 1-1-2020, un montante di $105 pa aña.
Si bo tin kumpra un eiskast òf un wasmashin nobo, kumpra un modèl di 220/50 Hz. Probablemente e model Oropeo aki ta kosta algu mas karu pero e diferensha aki bo ta saké lihé bèk pa motibu di e uzo ekonómiko. Naturalmente bo mester tin un instalashon di 220 volt den bo kushina òf washòk.
Un transformator grandi tin mas pérdida ku un chikitu. Si akaso bo disidí tòg di kumpra un model amerikano skohe un transformator no mas grandi ku ta nesesario na e modèl di eiskast/wasmashin. Saka e stèker for di stopkontakt na momento ku bo no ta usa e wasmashin
Tèp 2: Remplasá peranan di lus i lampinan di daylight ku lampinan LED. Remplaso di un pera di 60 Watt pa iluminashon pafó pa un pera di LED ku un iluminashon komparabel ta duna un ekonomisashon di mas o menos $50,- pa aña.
Remplaso di un TL daylight di 36 Watt pa un pera di LED ta ekonomisá mas o menos $20,- anualmente. E kálkulo aki ta válido segun e tarifanan di WEB for di 1-1-2020.