Pensa huntu ku nos, ofresé bo mes!

Bo ta deseá di pensa huntu ku nos riba un rumbo stratégiko pa Unkobon? Den e kaso ei ofresé bo mes pa bira representante di miembronan di Unkobon!

Konseho di Bònt (Bondsraad) ta buskando hendenan motivá ku por yuda pensa kiko i kon Unkobon por hasi pa adelanto y bienestar di e konsumidó aki na Boneiru. Bo por postulá bo mes komo kandidato pa Bondsraad si bo:

  • • ta pa 1-11-2020 minimal 1 aña konsekutivo miembro di Unkobon;
  • • ta interesá den asuntonan ku ta toka konsumidó i • ta sinti bo mes atraí pa desaroyonan social;
  • ta dispuesto pa hinka bo tempu y energia komo miembro di Bondsraad durante minimal dos biaha pa aña na trabounan rekerí;
  • • konosé un òf mas miembro di Unkobon ku lo kier apoyá bo kandidatura

Unkobon ta un organisashon independiente di koló politiko y kreensha. Un miembro di Konseho Insular, Kolegio Ehekutivo òf miembro di direktiva di un partido politiko no por bira miembro di Bondsraad.

Un komishon organisatorio di Unkobon lo organisá e elekshon. Dia di postulashon di kandidato ta sera 23 di oktober 2020.

Manda bo aplikashon promé ku 23 di oktober 2020 na secretariaat@unkobon.org  òf na Unkobon, P.O.box 226, Bonaire

menshonando:

bo number di miembresia di Unkobon

  • nòmber y direkshon
  • fecha di nasementu y sekso
  • number di telefon y direkshon elektroniko (e-mail)
  • • algu di bo mes (un cv eventualmente)

Atenshon: postulando bo mes komo kandidato bo ta bai di akuerdo ku sigiente deklarashon y outorisashon.

Deklarashon: Si mi wòrdu elehí komo miembro di Bondsraad mi ta deklará ku no tin echo ni sirkunstansia, ku lo por daña òf tacha nòmber di Unkobon.

Outorisashon: Postulando mi mes komo kandidato pa bira miembro di Bondsraad, mi ta outorisá e komishon organisatorio di Unkobon pa uza mi datonan personal (inkluso cv) pa e proseso di elekshon.