Komparashon di prèis mart 2019

Prèis di fruta y berdura a subi
E instrukshon di gobièrno Venezolano pa prohibí tráfiko aereo y marítimo entre Venezuela y islanan ABC tin resultado negativo pa Boneiru. Esaki a keda konstatá ku e komparashon di prèis último ku Unkobon y FtpKB den koperashon ku e ministerio di EZK ta publiká mensualmente.

Suministrashon di fruta y berdura fresku pagabel ta bou di preshon. Fruta y berdura mester wòrdu importá for di otro país. Solamente den algun supermerkado ta tin banana y patia dia a kompará e prèisnan pa luna di mart. Den komparashon ku febrüari prèisnan di fruta y berdura di e makutu básiko a subi ku un promedio di 6.5%. Prèis di e otro produktonan di e makutu básiko a keda mesun kos.

Manera konosí ta skohe e produkto di e marka mas barata ku tin den e supermerkado, na momento ku ta hasi e komparashon di prèis.  Por sosodé ku temporalmente solamente e marka mas karu ta obtenibel na momento ku no tin esun barata mas. E ora ei ta skohe esun karu te dia ku e marka mas barata ta obtenibel atrobe. Speshalmente e supermerkadonan chikí sa hañanan regularmente konfrontá ku e problema aki. Ta pesei ta un prestashon di aploudí ku e supermerkadonan chikí ta skor banda y hasta tin biaha bou di e promedio.

Pa kada produkto ta kalkulá un index y seguidamente ta bin un index pa e makuto básiko ku ta kontené 60 produkto pa kada supermerkado. E index (=100) ta indiká kon un supermerkado ta skor en respekto ku e promedio di e 15 supermerkadonan. Un index bou di 100 ta indiká ku e makutu básiko kompleto den e supermerkado ei, ta mas barata ku e promedio.

Den e makuto básiko di e supermerkado mas barata por tin un of mas produkto mas karu ku e promedio. Ta pesei e konsumidó konsiente ta konsultá e kompilashon di prèis riba web site di Unkobon www.unkobon.org pa asina por determiná na kua supermerkado e ta sali mas ventahoso ku su lista di kompras.

Spòtlait