Komparashon di prèis februari 2019

Solushon pa diferensha ekstremo di prèis den supermerkadonan ta deseabel

For di resultado di e komparashon di prèis ku Unkobon y FtpKB den koperashon ku e ministerio di EZK ta efèktuá mensualmente, por konkluí ku prèis di e produktonan den supermerkado aki na Boneiru ta diferenshá ekstremadamente.

Mas ku mitar di e produktonan, e variante mas karu ta 2 biaha mas karu ku e variante mas barata y den algun kaso asta 5 biaha mas karu. Detayenan por wòrdu hañá riba www.unkobon.org

 

Algun ehèmpel: Na Wing Cheung Supermarket cornflakes marka Everyday tabata kosta den spèshal   2.00 dollar pa kilo y na Famoso Supermarket e marka Kellogg’s tabata kosta $ 15,44 pa kilo. Den e ilustrashon por nota kon e prèisnan di e produkto aki y tambe di batata dushi, all season kruiden mix y salu por varia pa supermerkado. Y esaki no pa diferente marka pero tambe pa eksaktamente e mesun marka.

Komo ku prèisnan di produktonan den diferente supermerkado ta varia konsiderabelmente tur luna, ta hasi pa e konsumidó difisil pa determiná unda e por hasi kompra mas ekonómiko. Esaki no tabata posibel na aña 2014 tempu ta tin e palabrashon pa Bon Kompra unda pa un makutu di 36 produkto básiko ta tin un prèis máksimo (pa kilo, pa liter òf pa produkto) palabrá. E prèis máksimo aki a keda stipulá a base di e prèis mas abao di e “benchmark” ku ta tin na Boneiru pa e 36 produktonan aki. Tur e 20 supermerkadonan ku a partisipá mester a presentá ku por lo menos un marka di kada produkto  ku tabata bou òf na e prèis máksimo di e prèis di e “benchmark”. E  supermerkadonan mes por a skohe e marka kon tal ku e tabata di bon kalidat.

E palabrashon aki tabata kana bon pero lastimamente tabata pa un tempu defení. Despues di elekshon di 2015 polítika lokal no ta tin interes mas pa alargá Bon Kompra. Prèis di produktonan básiko atrobe ta mustra diferensha grandi y indeseabel. Ta pesei Unkobon y Fundashon Tienda pa Konsumidó Boneiru ta partidario pa introdusí di nobo e proyekto Bon Kompra,

Spòtlait