Diferensha grandi den preis de “handsanitizers”
Despues di un interupshon di seis luna, relashoná ku medidanan en torno di Covid-19, a re-anudá e proyekto komparashon di preis. E makutu di e 60 produktonan básiko mas kumprá e biaha aki a wòrdu amplia ku 6 produkto di hygiëna en konekshon ku Covid-19. A keda konstatá ku tin diferensha grandi den preis di e handsanitizernan.
E konsumidó tin paga mashá bon tinu riba e preis di handsanitizer. Den mayoria kaso esnan chikí ta ekstremadamente karu. E handsanitizer mas barata ta na van den Tweel Supermarket. Un liter Merilo ta kosta einan $ 5,99. Germ X handsanitizer, ni sikiera esun di mas karu, ta kosta na Famoso Supermarket $ 6,95 pa liter.
Preis di 60% di e 60 produktonan básiko “tradishonal” a keda igual of asta mas abou ku den luna di mart 2020. Preis di kasi 40% di e 60 produktonan tabata mas haltu ku den luna di mart. Na mayoria di e supermerkadonan produktonan manera buskuchi soda, zeta dushi(zonnebloem) y pindakaas tabata mas barata kompará ku den luna di mart 2020. Den mayoria supemerkado preis di zeta dushi (vegetable), arós kolo blanku, roibit (den pòchi), appel y suku a bira mas karu kompará ku luna di mart 2020. E makutu ku e 60 produktonan a bira den algun supermerkado mas karu y den algun otro supermerkado mas barata. Si midi preisnan di tur e supermerkadonan partisipante por yega na e konklushon ku total di e preis di un makutu kasi no a kambia.
E komparashon di preis aki ta laga e konsumidó mira den un fregá di wowo kua supermerkado ta mas barata aki na Boneiru. Ariba e konsumidó por mira kua di e 15 supermerkado ta mas barata òf mas karu. primi “download e datonan” ariba pa por mira kua supermerkado ta bende un produkto spesífiko mas barata. E excell sheet tin un resumen unda tur produkto y preis di kada un supermerkado lo wòrdu menshoná.
Meta di e proyekto komparashon di preis ta pa hasi e konsumidó aki na Boneiru mas konsiente pa loke ta trata preis di komustibel. E proyekto Komparashon di Preis ta wòrdu realisá den koperashon ku Unkobon, OLB y e ministerio di asuntunan ekonómiko y klima.
Spòtlait
