Komparashon di preis novèmber 2020

Bon prestashon di e minimerkadonan den bario

Un konsumidó ta bishitá un minimerkado den su bario pa su kombinensha òf pasobra e no por otro. E minimerkadonan no por konkurí ku e supermerkadonan. For di e komparashon di preis e luna aki por nota sinembargo ku un kantidat di e minimerkado den bario sorpresivamente a adaptá nan preis.

Supermerkadonan grandi ta mas barata ku e tiendanan den bario komo ku nan ta kumpra un lote grandi di diferente produkto. E preis pa produkto ta bira asina mas barata. Tambe e supermerkadonan grandi por traha, den mayoria kaso, mas efisiente. Ta pesei ta un enorme prestashon ku un tienda di bario manera Xu Sheng y Rincon City, den e komparashon di preis di luna di november, a skor un promedio ku e index di 100. Mas grandi ainda tabata e prestashon di Fruteria Union. Nan a skor ku un index di 97. Na Xu Sheng y Rincon City e preisnan di 44 artíkulo ta bou di e promedio di tur e supermerkadonan. Na Jia Xing esaki ta 45 artíkulo y na Fruteria Union esaki ta 48 artíkulo. Den luna di november Fruteria Union tabata e tienda di mas barata pa loke ta trata preisnan di jonge kaas, wòrtel, bòter di awa y deodorante.

Resultado di e komparashon di preis ta buta ku e konsumidó den un fregá di wowo por mira kua super-of minimerkado tin e makutu ku 67 produkto mas barata. Ta bon pa bisa ku esaki no ta nifiká ku numero un, Warehouse, tin e preis di mas barata pa tur e 67 produktonan di e makutu. E gráfiko di kual mensualmente ta mustra e klasifikashon, ta resultado di un kalkulashon den kual kada un di e produkto ta wòrdu klasifiká. Komo tal den luna di november Warehouse tabata esun di mas barata pa 25 produkto. Pa e 42 otro produktonan e konsumidó por a haña esakinan mas barata na e otro 14 super-minimerkadonan. Ta pesei un konsumidó konsiente ta traha su lista di kompras y kompará esaki ku e resumen exell amplio ariba. Hasiendo esaki e konsumidó por mira den kua super-minimerkado e por hasi su kompras mas faborabel.

Spòtlait