Diferensha den prèisnan aki na Boneiru ta bahando

Ya pa lunas Wing Cheung ta na e di dos puesto. Karibe Nobo, den luna di mei, a bolbe pasa okupá e di tres puesto. Esun ku a subi di puesto spektakularmente den luna di mei, ta Dragon City. E supermerkado aki tambe a amplia su surtido ku produktonan mas ekonómiko y asina tambe duna e konsumidónan e posibilidat pa gasta menos plaka pa e produktonan den e makutu básiko. Ku e akshon aki Dragon City a pasa for di e di 12 puesto bai okupá e di sèis lugá riba e lista.

Prèisnan den e supermerkadonan mas karu ta bahando poko poko na e promedio, hasiendo asina ku e diferensha den prèisnan aki na Boneiru ta bahando poko poko pero sigur.

Riba e website di Unkobon.org e konsumidónan tin un bista di tur e prèisnan y tambe informashon di e supermerkadonan ku ta partisipá. E ‘spreadsheet’ ku informashon general ta kontené e detayenan di e preisnan inkluí den e kalkulashon. Hasiendo esaki e konsumidó por mira na kua supermerkado e produkto di e makutu básiko ta mas kombiniente.

Ku e proyekto di komparashon di prèis aki, Unkobon y Fundashon Tienda pa Konsumidó kier konsientisá e konsumidó aki na Boneiru kon presupuestá y gasta menos pa produktonan básiko. Den e proyekto aki Unkobon y FTpKB ta traha huntu ku EZK, RCN y Sage BV.

Spòtlait