Komparashon di prèis mart 2020

Komparashon di prèis a reïnisiá

Despues di un interupshon di dos luna, UNKOBON y Fundashon Tienda pa Konsumidó den luna di mart a bolbe kuminsá ku e proyekto Komparashon di Prèis. Mensualmente lo kompará e prèisnan di 60 produkto den 15 supermerkado. E makutu di e 60 produktonan mas kumprá a keda igual ku den 2019. A bin un kambio den e supermerkadonan partisipante. Na lugá di Zhung Kong y Magic City a bin Kadushi Supermarket situá na Kaminda Djabou y Foody Supermarket na Kaminda Jato Bako. Den luna di mart 2020 e dos supermerkadonan aki a skor rondó di e promedio.

E krisis okashoná pa e Coronavirus no a influenshá visibelmente e prèisnan den luna di mart. Kompará ku luna di desember 2019 no a bin kambio den prèis di mitar di e produktonan. E otro mitar a subi òf baha di prèis. E otro mitar a subi òf baha di prèis. E resultado aki no ta desvia for di e periodo komparabel den 2019.
Hopi produkto mas barata no tabata optenibel temporalmente den desember òf den mart. Esaki por splika e diferensha grandi den prèis di sierto produkto kompará ku esnan den desember. Si tuma un promedio bou di tur e supermerkadonan ku a partisipá, e makutu tabata 1% mas barata ku den luna di desember.

Ku e proyekto “komparashon di prèis” Unkobon y Fundashon Tienda pa Konsumidó ta konsientisá e konsumidó pa loke ta trata prèis di komestibel. Na un manera simpel por mira kua supermerkado ta esun mas barata aki na Boneiru. Esaki no ta nifiká sinembargo ku pa tur e 60 produkto di e makutu esaki ta e kaso. Entrante 30 di mart 2020 lo publiká riba e wepsite di Unkobon un bista total di e produktonan. www.unkobon.org Aki e konsumidó por mira kua supermerkado ta mas barata pa un produkto espesífiko. Tambe lo por mira spesifikashon di tur e produktonan di kada supermerkado.

Un investigashon hasí den 2019 a duna komo resultado ku e proyekto Komparashon di Prèis a hasi mas y mas konsumidó konsiente pa loke ta prèis pa komestibel. Komo ku tin kliente ta paga tinu riba prèisnan haltu y ta reklamá esaki, e supermerkadonan partisipante a bai buta mas infasis riba e produktonan mas barata. Di e manera aki e komersiante ta kontribuí pa tene e kosto di bida mas abou posibel.

Spòtlait