Konsumidónan ta pagando mihó tino riba prèisnan den supermerkado

Mas y mas hende ta skohiendo produktonan di marka B riba produktonan di marka A. Banda ku  kalidat di e produkto marka B no ta diferenshá di esun di marka A, e produkto B ta mas barata. Esaki a keda konkluí despues di a evaluá resultadonan di e proyekto “komparashon di prèis” ku Unkobon, FtpKB ta organisá mensualmente riba instrukshon di e Ministerio di EZK. E proyekto komparashon di prèis ta tin influensha riba dos di kada tres konsumidó na momentu di hasi eskoho ora di hasi kompras.

Tambe e proyekto ta tin influensha riba loke e supermerkadonan ta tin pa ofresé. Mas y mas supermerkado ta dunando e konsumidó e oportunidat pa skohe entre un produkto karu y esun mas barata. Konforme nan hasi esaki nan lo subi di puesto riba e lista di e komparashon di prèis. E lista aki ta indiká kua supermerkado tin e makutu ku e 60 produktonan básiko mas barata.

E konsumidó por nota esaki mesora riba e lista aki. Esaki sinembargo no ta nifiká ku tur e 60  produktonan  ta mas barata na e supermerkado aki. E konsumidó konsiente ta konsultá e datonan detayá di kada supermerkado riba e web site www.unkobon.org.

Tambe a resultá for di e evaluashon di e proyekto “komparashon di prèis” ku kasi tur konsumidó regularmente ta bishitá mas ku un supermerkado. Tres kuart di e konsumidónan asta ta bishitá tres of mas supermerkado ku regularidat, pa hasi nan kompras.

Spòtlait