Bèrdura y fruta, ketu bai karu y skars

Regularmente no tin sièrto fruta y bèrdura. Solamente tres supermerkado ta tin tur e 13 produkto den e makutu, ku ta kai den e kategoria di fruta y bèrdura fresku. Den 5 di e 15 supermerkadonan tabata falta 4 té 6 di e produktonan aki. Den 10 di e 15 supermerkadonan no ta tin patia. Di e 15 supermerkadonan 7 no ta tin banana y den 5 supermerkado no ta tin “ijsbergsla”.

Warehouse ainda ta e supermerkado mas barata, pero den e top 5 di e lista “komparashon di prèis” por nota un aserkamentu na esun na promé lugá. E supermerkadonan na puesto 2,3 y 4 den luna di oktober ta hopi pegá ku otro. For di luna di yüli 2019 por nota ku e diferensha entre 1 y 2 ta birando mas chikí. Un aña pasá e diferensha aki tabata 18% y awó den luna di oktobere 2019 esaki a bira 12%.

Ku e proyekto di komparashon di prèis aki, Unkobon y Fundashon Tienda pa Konsumidó ta konsientisá e konsumidó aki na Boneiru kon presupuestá y gasta menos pa produktonan básiko. Den e proyekto aki Unkobon y FtpKB ta traha huntu ku EZK, RCN y Sage BV.

Riba e website www.unkobon.org e konsumidó por mira e resultado di e komparashon di preis y tambe haña un bista total di tur e prèisnan y informashon di e supermerkadonan ku ta partisipá. Riba e “spreadsheet” por mira detaye di tur e prèisnan. Tambe por mira mesora na kua supermerkado e produkto di e makutu básiko ta mas kombiniente.

Spòtlait