For di medio 2017 e dekreto pa regulá preis di hür tabata kla pa tratamentu. E dekreto aki mester a protehá e hürdó di kasnan simpel kontra hür haltu y irealístiko. Unkobon tambe tabata inbolví den realisashon di esaki unda a buta infasis pa hür hustu muy en espeshal pa e grupo ku entrada abou aki na Boneiru.

Porfin fin di ougustus 2019 e dekreto a bai Konseho Insular. Pa medio di un karta habrí Unkobon a urgi pa trata e dekreto aki ku urgensha di moda ku e hürdónan por a risibí e protekshon tan esperá entrante 1 di yanüari 2020.

Reino tabata dispuesto pa tuma over di OLB e supsidio di hür pa FCB ($ 700.000,– den 2019 y $ 1.2 miyon den 2020) Banda di esei por a introdusí den 2021 un forma di supsidiá hür di kas den sektor privá. Esaki lo por a kontribuí enormemente den kosto di bida di un grupo grandi di hürdó di kasnan partikular Esaki lo por a kontribuí enormemente den kosto di bida di un grupo grandi di hürdó di kasnan partikular Tantu e dekreto pa regulá preis di hür komo e supsidio di Reino ta di sumo importansha pa e lucha kontra probesa aki na Boneiru.

Den un transmishon na e emisora Voz di Boneiru Unkobon a duna un splikashon ekstenso tokante e sistema di yega na puntashon pa preis di hür. Den 2019 Konseho Insular di Boneiru a aprobá e dekreto.