Buletin òktober 2020


Den e buletin aki
:  di dos reunion general pa loke ta trata 2020, komparashon di preis ta bai re-anudá ku OLB komo partner nobo, ofisina di Unkobon situá na Kaya Korona, preis di gasolin awó mas barata ku na Kòrsou.

Partisipashon
Probablemente bo lo a sinti su falta. Pa motibunan imprevisto e buletin ougustus/sèptèmber no a wòrdu publiká.

Di dos reunion general
Manera konosí, Konseho di Bònt (Bondsraad) ta organisá dos biaha pa aña un reunion den kual tur miembro ta bon bini. Dia 2 di novèmber próksimo e di dos reunion lo tuma lugá den Hòfi Kultural. Lo papia tokante kiko Unkobon a logra den 2020. Tambe lo definí, pa e próksimo 3 aña, e eskohonan stratégiko. Despues di e reunion por keda un ratu huntu pa kombèrsá gozando di un salú y snèk.

Komparashon di preis ta bai re-anudá ku OLB komo partner

Unkobon lo re-anudá den luna di òktober e proyekto Komparashon di Preis. Lo kompará preis di 60 +  produkto básiko den 15 supermerkado aki na Boneiru. Resultado di esaki lo keda publiká mensualmente. Di e forma aki konsumidónan por hasi nan kompras mas konsiente.
Seis luna pasá Unkobon mester a para ku e proyekto aki despues ku OLB a introdusí medida en respekto di produktonan básiko en relashon ku Covid-19. E proyekto a wòrdu di tal manera ahustá ku por kontinuá ku né awó. E proyekto Komparashon di Preis ta wòrdu realisá den koperashon ku Unkobon, OLB y e ministerio di asuntunan Ekonómiko y Klima.

Ofisina di Unkobon
Bonaire Office a ofresé Unkobon uzo di un ofisina den nan edifisio situá na Kaya Korona  #30 en frente di Kooyman NV. Unkobon ta apresiá e gesto aki altamente.
Señora Lydia Duijn, un di e personanan di kontakto di Unkobon, ta dispuesto pa banda di su trabou diario ehersé trabou tambe pa Unkobon. Si bo tin kualkier problema, keho òf a risibí un señal di un kaso problemátiko ku ta toka konsumidó, bo por bishitá nos ofisina durante dianan di trabao. E orario lo ta di 7or a.m. te 3or p.m. Tambe por paga bo kontribushon anual ($ 15.00) kèsh einan.
Ta rekòrdá tur miembro ku tin kualkier reklamo of problema pa hasi esaki preferibel via di loket@unkobon.org

Prèis di gasolin awó ta mas barata ku na Kòrsou
Despues ku Unkobon den diferente okashon a supliká OLB pa buta atenshon riba e preisnan irealmente haltu di kombustibel aki na Boneiru, Kolegio Ehekutivo a disidí pa redusí e preisnan aki konsiderabelmente den aprel y yuli. Entrante ougustus ultimo preis pa liter di gasolin a subi na Kòrsou siendo aki na Boneiru e preis a keda igual.
Unkobon ta premirá un oumento di preis di gasolin tambe aki na Boneiru.