BULETIN 2024 – 1

Den e promé buletin pa 2024 Unkobon ta bai duna un resumen di progreso di e plannan pa loke ta trata 2024. E plannan pa 2024, ku pa UNKOBON tin e mayó prioridat, a keda registrá komo punta di lansa.

Resumen
Komo promé punta di lansa, e plan anual ta menshoná ku den koperashon ku Fundashon Tienda pa Konsumidó Boneriano (FTPKB) lo bai traha riba tres punto di akshon: 1. punto unda por notifiká oumento di preis, 2. duna informashon tokante derechonan di konsumidó, 3. sondea e posibilidat pa amplia e koperashon ku logo FTpKBFTPKB.
FTPKB a tuma e inisiativa pa e punto mutual di notifikashon pa oumento di preis eksesivo. For di yanüari 2024 konsumidónan por a hasi menshon di esaki riba un página di facebook. A risibí poko reakshon. For di e indis di preis di CBS den luna di aprel 2024 por a nota ku e spiral di preis, pa kual ta tin miedu di dje, no a materialisá.
Ainda tin kuminsá ku e kampaña konhuntu pa loke ta trata derechonan di konsumidó.
Kombersashon tokante koperashon riba otro tereno no a duna resultado.

vrouwe justitia 1Komo parti di e punta di lansa di Unkobon ”aseso asesibel pa un i tur na hustisia” , Unkobon a reuní den luna di febrüari 2024 ku e persona (e asina yamá kwartiermaker juridisch loket), enkargá ku posibel establisimentu di un bentana pa asunto hurídiko, For di reakshon resientemente di e “kwartiermaker” por konkluí ku e fasilidat tan importante aki no por keda realisá e aña aki mas. Nos speransa pa logra esaki e aña aki tabata probablemente muchu optimista.
Un otro punta di lansa di Unkobon ta, pa logra pa e.o. Telbo hasi su kondishonnan general mas fásil i komprendibel pa e usuario. For di febrüari 2024 Unkobon ta trata di reuní ku Sr.Gregory Colina, direktor di Telbo. Te ainda sin eksito.

E punta di lansa “produkto/artíkulo di primera nesesidat” ta konsistí di tres parti:
1. mantenshon di preisnan máksimo, 2. proyekto di panel solar pa bibiendanan ku entrada abou i 3. establesé un fundashon ku ta hasi posibel ku personanan ku un entrada abou por haña un fiansa pa konstruí nan propio kas.
Intento for di medio aprel 2024 pa reuní ku Direktorado di Mantenshon i Supervishon tokante mantenshon di preisnan máksimo stipulá pa produktonan di makuto básiko, tabata invano.
Trahamentu di un proyekto pa kumpra panel solar pa speshalmente bibiendanan ku entrada abou, a keda posponé.
Fin di aprel 2024 Unkobon a palabrá ku diputado Anjelica Cicilia ku Unkobon lo traha un nota inisial tokante establesimentu di un fundashon yamá Fundashon Minimini kredito huisje Kredito Boneiru. Diputado a primintí ku lo aserká Hulanda ku e nota inisial aki pa finansiá e fundashon. Lastimamente no a logra keda kla ku produkshon di e nota inisial promé ku 20 di yüni 2024, fecha riba kual Kolegio Ehekutivo a bishitá Hulanda. Resientemente a kontratá un persona eksterno pa skirbi e nota inisial.

Otro aktividat
Banda di e akshonnan menshoná komo punta di lansa, e plan anual ta kontené tambe algun intenshon di menos prioridat.

Kousa sivil
Despues di a konsultá ku nos abogado a disidí pa por lo pronto laga té oktober 2024 e kaso hudisial “minimo soshal” riba ròl. E diferensha entre kosto di bida nesesario i e entrada minimo a keda parti na mitar entrante 1 di yüli 2024 ku oumento di salario minimo i benefisionan soshal. E redukshon di gastu ku mester kubri e otro parti di e diferensha no a keda realisá ainda.

Akshon pa reklutá miembro
Unkobon ta bai trata di reklutá miembro via di retnan soshal. Ta spera ku pa medio yüli 2024 lo tin un plan di akshon. E idea pa bai rekluta miembro na supermerkadonan, a keda posponé en espera di resultado di e akshon riba retnan soshal.

Karetera i kayanan
Unkobon ta spera di por haña un sita ku direktor di R & O den luna di ougustus 2024 pa deliberá riba karetera i kayanan di Boneiru.

Pòst
Ainda no a logra dediká atenshon na entregamentu di pòst aki na Boneiru.

Vakatura
vacancyAinda no a haña boluntario pa reforsá direktiva komo sekretario.
Mientras tantu Unkobon ya pa basta tempu ta buskando un boluntario ku kier forma parti di direktiva i okupá e funshon di tesorero. Aprel ultimo, tesorero Andy Lepelaars a duna di konosé ku pa entrante 1 di yüli 2024 e ta tuma retiro komo miembro di direktiva. Afortunadamente Andy lo kontinuá atministrá e parti finansiero di Unkobon en espera di un tesorero nobo.
Banda di e vakaturanan importante aki den direktiva diario, tin tambe vakatura den Bondsraad, Komishon di supervishon i gruponan di trabou.

Deel dit