E lokèt pa konsumidó t'ei pa bo

Si bo tin problema ku kompanianan lokal òf ku gobiernu tokante kasonan di konsumidó
bo por pidi akinan. Komo miembro di Unkobon, konseho ta gratis.

Vivienda, gastunan di awa y koriente

Unkobon ta lucha pa tarifanan pagabel di awa y koriente dialogando
regularmente ku e instanshanan konserní manera WEB,
OLB y e ministerionan di I&W y EZK.

Prèisnan den supermerkado, chèk e lista di kompras

Ku e komparashon di prèis aki bo por mira fásilmente kuanto po ta paga den kua supermerkado
pa un makuto standart di 60 diferente artikulo ku bo ta kumpra diariamente.

Gastunan di vivienda, hür i sistema di puntashon

Introdukshon di un sistema di puntuashon di hür lo minimalisá aumentu di hür
di kasnan simpel. Unkobon ta boga pa un sistema di subsidio di hür ku ta konta tambe
pa kasnan den sektor privá.

Prèisnan den supermerkado: BonKompra

Palabrashon entre OLB, e organisashon di supermerkadonan y e
organisashonnan di konsumidó, pa ku e proyekto di Bon Kompra den 2014, a buta ku un makuto ku 36 produkto básiko
a bira 24% mas barata den 18 di e 20 supermerkadonan ku a partisipá. Unkobon kier Bon Kompra bèk.

Bo sosten ta bon biní

Pakiko bira miembro di Unkobon?

Bo no kier ta bo so pará na momentu ku bo tin un problema.
Serka e bònt di konsumidó miembronan ta uni forsa y yuda otro. Huntu nos ta pará fuerte!

Konseho kon ekonomisá

Kumprando konsientemente bo por spar hopi den supermerkado. Tambe riba gastu di elektrisidat ta posibel pa ekonomisá. Diskubri kon ekonomisá

E lokèt pa konsumidó.

Komo miembro di Unkobon bo por pidi akinan konseho tokante kasonan sivil y di konsumidó. diskubri mas den e lokèt pa konsumidó .

Bo sosten ta importante

Yena aki bo datonan y registrá bo mes. Solamente $15 pa aña,

Tambe nos atenshon ta pa:

Entregamentu di pòst

Entregamentu di pòst aki na Boneiru mester wòrdu mehorá drástikamente.
Unkobon ku regularidat ta trese esaki na atenshon di esnan responsabel.

Mínimo sosial

Un mínimo sosial, realístikamente stipulá, ta e fundeshi riba kua ta konstruí e maneho pa kombatí pobresa. Butando preshon riba e partidanan konserní, porfin a stipulá un punta di salida.

Trafiko & Seguridat

Riba petishon enfátiko di miembronan, Unkobon, for di medio 2018, ta tratando di konvensé esnan responsabel pa mantenshon y mehorashon di kaya- y kareteranan aki na Boneiru.

Preguntanan frekuente

Ken nos ta i kiko nos ta hasi?
Unkobon ta un abreviashon di Union di Konsumidó Boneiru, é asosiashon di konsumidónan aki na Boneiru òf tambe é bònt di konsumidó di Boneiru. Unkobon ta un asosiashon ku ta independiente di polítika òf filosofia di bida. Unkobon t’ei pa tur habitante di Boneiru. Personanan di 18 aña òf mas, por bira miembro pa solamente $15 pa aña.
Pakiko un bònt di konsumidó aki na Boneiru?
E konsumidó na Boneiru, hopi biaha ta pará su so en frente di kompania y instansha di gobiernu. E kliente, hopi biaha, ta y ta sinti su mes e partida di mas débil. Huntu e miembronan di e bònt di konsumidó ta pará mas fuerte.

Hopi hende na Boneiru no sa presis kiko ta nan derechi komo konsumidó. Unkobon ta duna su miembronan informashon tokante nan derechi.

E nivel di protekshon legal di e konsumidó aki na Boneiru, lástimamente no ta manera ta e kaso na Hulanda. Esaki ta hasi ku ta sumamente nesesario pa buta tur forsa huntu p’asina reforsá e posishon di e konsumidó aki na Boneiru.

Kiko Unkobon ta hasi?
E asosiashon ta traha pa mehorashon di e posishon di e konsumidónan na Boneiru. Kompanianan i gobiernu t’ei pa e habitantenan, e konsumidónan. No ta tur ora e konsumidó por nota esaki. Unkobon ta stimulá kompanianan i gobiernu pa tin un aktittut di servisio mas amabel pa kliente. Preferibel ku diálago y koperashon, pero si ta nesesario ku lucha. Unkobon ta akshoná p’asina ouxiliá un grupo grandi di konsumidó.

Trabounan di Unkobon ta keda ehersé pa boluntarionan. Ta hasi uso di eksperensia y konosementu di un miembro. . Por ehempel: un persona ku konosementu di asuntonan hurídiko, un persona ku konosementu riba tereno tékniko òf finansas.

Kiko Unkobon por nifiká pa bo?
Miembronan ku tin problema ku kompania- lokal òf instanshanan di gobièrnu ta wòrdu konsehá y dirihí individualmente via di nos lokèt digital. Pensa aki na por ehèmpel: garantia riba un produkto ku bo a kumpra, problema ku erfpagt, ku impuesto lokal, seramentu di awa y koriente, etc.
Kiko ábo pór nifiká pa Unkobon?
Birando miembro ya bo a sostené Unkobon enormemente. Miembronan no ta obligá pa koperá aktivamenteta na aktividatnan di Unkobon. E ultimo añanan nos tin alrededor di 300 miembro, pero no ta tur por partisipá aktivamente. Unkobon tin mashá komprenshon pa esei. Pero den kaso si bo ta deseá na duna un man pa yuda e konsumidó aki na Boneiru, bo ta mas ku bon bini.

Wak nos riba Media Soshal