(Papiamentu) Vakatura Presidente Gerensia Unkobon

[:pa]E bont di konsumidó na Boneiru, a disidí pa laga e funkshon di gerensia, manera e statutonan ta preskribi, wordu ehersé dor di tres persona. Esta, un presidente, un sekretario i un tesorero. E tesorero mientrastantu a wordu apuntá.

Unkobon awor ta buskando un bolunatario ku lo ke tuma na su enkargo e tarea di presidente. E bondsraad i e parlamentu di miembronan di e asosashon a traha un profil di e presidente ku e asosashon ta buskando. E presidente por ta un hende femenino o maskulino. No opstante, na profil e presidente ta indika ku maskulino.

Profil presidente gerensia

Den un asosashon manera Unkobon ta importante pa e boluntarionan por atendé bon ku otro. Pa e motibu aki nos ta mantené un periodo di prueba di tres luna pa e funkshon di presidente, kaminda ku tantu e presidente komo e miembronan di e Hunta di Supervishon i e Bondsraad tin e oportunidat pa disidí si ta kontinuá ku otro pa tempu mas largu.

Mas detaye tokante di e prosedura di “werving” ta delineá i lo ta disponibel riba petishon.

Si bo ke hinka bo esfuersonan pa Boneiru, òf si bo ke mas informashon, tuma kontakto por fabor ku Unkobon na e-mail: secretariaat@consumentenbonaire.com òf telfòn 7821009 (dialuna – diabièrnè di 9:00 – 12:00 or).[:]