Resultado komparashon di prèis den luna di Novèmber: van den Tweel mas karu y Jia Xing mas barata

Segun e lista di komparashon di prèis, ku FtpKB y Unkobon den koperashon ku e ministerio di asuntonan ekonómiko ta publiká mensualmente, e prèis di un pakéte di 60 produkto na supermerkado van den Tweel a oumentá drástikamente den luna di novèmber. Na supermerkado Jia Xing situá na Kaya Salsa, Nikiboko, e prèis di mensun pakète a baha konsiderábelmente. Den luna di oktober Jia Xing tabata na puesto numero shete. Den november Jia Xing a subi bai okupá e di tres puesto. Van den Tweel a baha di numero kuater bai okupá e di diesun puesto. Warehouse, den luna di november, a keda e supermerkado mas barata segun e lista di komparashon di prèis.

Konsekuensia di kambionan grandi den prèis, mayoria biaha tin di haber ku tur e produktonan variabel mas barata a wordu bendé y no tei mas. Ora ta kompará prèis ta wak e prèis di e produkto variabel mas barata. Den 15 supermerkado prèisnan di mas ku 36 produkto a keda igual ku den luna di oktober. Un promedio di 12 produkto a subi y 12 a baha di prèis.

No ta kompletamente kla di kon e prèisnan den supermerkadonan ta kambia drástikamente. Asina e prèis di papel di wc marka Goisco na Warehouse a subi ku 33%. Di 29 pa 39 sèn pa un rol. Na van den Tweel e prèis di 1 lb Shur Fine Kidney Beans a subi di $1,49 pa $ 2,19. Un oumento di kasi 50%.
Remplesando e Coca Cola di Korsou pa esun di Venezuela a perkurá ku na kuater supermerkado ta tin un bahada di entre 30 y 40%.

Ku e lista di komparashon di prèis por nota mesora e diferensha di preis entre e 15 supermerkadonan aki na Boneiru. Na e 3 supermerkadonan mas karu e prèisnan ta alrededor di 30% mas haltu ku e 3 supermerkadonan mas barata.

E konsumidó ku ta konsiente di prèis ta keda atento.

“Downloads”

This post is also available in: Hulandes Ingles

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *