Komparashon di Preis Boneiru lo sali un biaha ku 14 supermerkado

For di òugustus 2018 e organisashonnan pa konsumidó Unkobon i FTpKB riba enkargo di Ministerio di Asuntunan Ekonómiko i Klima ta publiká mensualmente un komparashon di preis di 60 produkto den 15 supermerkado. E komparashon di preis su meta ta pa konsientisá konsumidónan mas riba kon preisnan ta varia na Boneiru. Dor di hasi kompra mas konsiente den e diferente supermerkadonan, un konsumidó lo por spar riba gastu di komustibel.

Un preferensha pa sierto markanan, smak, etsetera, ta varia di persona pa persona. Pesey e komparashon di preis no ta distinguí marka, smak òf kalidat, i ta wak puramente e preis (mas kumbiniente) di kada tipo di produkto. Den kada supermerkado ta anotá e opshon mas barata di kada produkto, sin wak eventual diferenshanan di marka, smak, i/òf kalidat. E preisnan ku keda anotá ta wòrdu kombertí den un unidat standart (preis pa kilo, liter òf pida) pa yega na e komparashon. Un método similar a wòrdu apliká kaba algun aña pasá pa a determiná e preisnan máksimo di BonKompra.

Pa por duna un mihó bista kua supermerkado ta ofresé e makutu di 60 produktonan na e preis di mas abou, ta kalkulá un indèks a base di e preisnan di kada produkto. Tur luna ta publiká e komparashon ku e indèks nan. Por baha tur e informashonnan detayá di e preisnan di kada produkto na kada supermerkado abou di e pagina di wèpsait aki.

Den e luna di sèptember 2018 lo publiká un biaha e komparashon pa 14 supermerkado en bes di 15. BonDiGro, ku ta un di e supermerkadonan mas barata di Boneiru, a ekspresá nan desakuerdo ku e método di komparashon. Lamentablemente te na momentu di publikashon di e komparashon, BonDiGro no a hasi uzo di Unkobon su invitashon pa kòmbersá tokante esaki. E organisashonnan di konsumidó ta karga speransa ku BonDiGro lo aseptá e invitashon pa dialogá, i ku e lo partisipá atrobe den e siguiente komparashonnan di preis.

“Downloads”

This post is also available in: Hulandes

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *