Nieuws

(Papiamentu) City Shop ta sigui duna krédito

AFM logoAFM logoE kompania City Shop N.V. di Hamoudy Dabboussi, spesialisá den benta di muebel, kOmpiuter i artikulonan eléktriko i elektróniko, ta bai sigui duna su klientenan ku ta deseá krédito. Esaki Dabboussi a bisa den un konferensia di prensa ayera tardi. E konferensia di prensa aki tabata klarifiká un situashon konipliká ku a surgi, despues ku AFM (Autoriteit Financiële Markten) di Hulanda a informá City Shop ku nan no por a sigui duna krédito den forma ku esaki tabata sosodé tur semper, komo ku esaki ta kontra lei i reglanan ku AFM tin ku kontrolá.

Despues ku Boneiru a bira parti di Hulanda a bini ku hopi regla. Entre otro reglanan ku no ta kuadra ku kultura di e isla aki. Pero no tin manera di hasi. AFM por ehèmpel ta kontrolá institutonan ku ta duna krédito na nan klientenan. manera banko i negoshinan ku ta bende riba krédito of via sistema di bon.

LEI DI HULANDA

“E asuntu aki ta den diskushon entre 5 pa 6 luna kaba. E funshonarionan di AFM a bishitá City Shop i a mustra ku e sistema ku nos tabata dunando krédico no ta kuadra ku e regla i leinan ku nan mester kontrolá. Nan a splika nos ku no ta nan ta traha lei, sino ünikamente nan tin ku kontrolá kumplimentu ku e lei i reglanan aki. Na sierto momentu nos a pidi RCN i Bestuurscollege pa intermediá, pero niun dje dos instansianan aki por a hasi algu. Ta leinan ku TweedeKamer a aprobà. Hamoudy Dabboussi a splika prensa.

Di akuerdo ku Dabboussi, na sierto momentu enbèrdat el a konsiderá pa stop ku dunamentu di krédito riba benta, a base di konsehonan ku el a risibi. Pero el a sigui purba, asta doblando heru ku man, pasobra City Shop no kier a laga su klientenan na kaya.

Den e deliberashonnan ku a tuma luga entre AFM i City Shop, e instituto en kestion fasilitá e empresa di Dabboussi un programa di kompiuter pa medio di kua por determiná kua ta e klientenan, a base di e informashon ku nan duna City Shop, por bini tog na remarke pa haña krédito na momentu di kumpra kos na e negoshi aki.

KONDISHONNAN

Dabboussi: “Lo determiná e montante maksimo di krédito a base di:

1. situashon familiar; 2. situashon flnansiero. Pa determiná esaki nos ta obligá di tuma informashon tokante identidat di e kliente, sea sédula of reibeweis bálido. Nos no ta tuma pasport. Pa loke ta trata entrada nos ta pidi e ultimo step di salario of ‘print-out’ di papel di penshun anual of estadc di kuenra bankario.

Mas aleu Dabboussi a splika ku ta pidi tambe informashon riba e kantidat miembro di famia, loke e aplikante ta paga na hur  di kas òf hipotek , gastunan di koriente i di finansiamentu.

“Tur luna e kliente ta paga un suma fiho na interes. Nos ta kobra 1.33% pa luna interes nominal for di e di kuater luna. Kier men un interes efektivo di 2,66% pa luna. Ora ta traha e faktura ta obliga pa duna un pago na man di 10% di e preis di benta. Den temporada di kampaña no mester duna pago na man. Pa artikulonan for di departamentu di kòmpiuter mester duna semper un pago na man di. 20% di e preis di benta. Vensementu di kuota pa kosnan kumprá despues di dia 20 di luna ta pa fin di e siguente luna. Kuota mensual semper vense riba 28 di luna. Mester hasi pago promé ku dia 4 di e siguiente luna. Hendenan ku paga lat ta haña un but di 1,8% pa luna I $5 di kosto atministrativo”. Daboussi a splika.

EXTRA 16 oktober 2013